İrandan bədənində dərman gətirən qadın tutulub

İrandan bədənində dərman gətirən qadın tutulub
  09 İyul 2018    Oxunub:3037
Biləsuvar Gömrük İdarəsinin "Qoşa Təpə" gömrük postunda İran İslam Respublikasından piyada gələn Azərbaycan vətəndaşının üzərində şəxsi yoxlama aparılıb.
Dövlət Gömrük Komitəsindən AzVision.az-a yoxlama zamanı, xanım vətəndaşın üst paltarlarının altında, bədənin aşağı ətraflarında - bud nahiyələrinə yapışqanlı lentlə sarınmış vəziyyətdə 100 ədəd 10 ml-lik flakonda "Mydrax 1%" adlı - təsiredici maddəsi tropikamid olan dərman preparatı aşkar edilib.

Xatırladaq ki, tropikamid "Güclü təsir edən maddələrin və onların külli miqdarının siyahısı"na daxildir və aşkar olunan 100 ədəd flakondakı məhlulun tərkibində tropikamidin təsiredici maddəsinin ümumi miqdarı 10,0 qram təşkil edir.

Faktla bağlı araşdırma aparılır.

AzVision.az


Teqlər: DGK   Dərman  





Xəbər lenti