Nabranda itən uşaq bir gün kolların arasında qalıb - Təfərrüat

Nabranda itən uşaq bir gün kolların arasında qalıb - Təfərrüat
  23 İyul 2018    Oxunub:20182
Ötən gün Xaçmaz rayonunun Nabran qəsəbəsində itən 3 yaşlı uşaq kolların arasından tapılıb.
Bu barədə AzVision.az-a açıqlamasında Xaçmaz rayon Nabran qəsəbəsinin icra nümayəndəsi Nəzakət İsgəndərova məlumat verib. Onun sözlərinə görə, 2015-ci il təvəllüdlü Novruzov İsmayıl Elçin oğlu olduqları ərazidən 100 metr aralıda aşkar edilib.

“Uşaq çox uzağa getməyib. Olduqları ərazidən 100 metr aralıda kolların içərisinə düşüb və orada bir sutka qalıb. Uşaq tapılan kimi Nabran qəsəbəsində həkimlər tərəfindən ambulator müayinə olunub və səhhəti yaxşıdır. Bədənində yüngül cızıqlar var. Vəziyyəti yaxşıdır, danışıb gülür. Hazırda valideynləri ilə birlikdə Bakıya gəlirlər”.

Qeyd edək ki, 22 iyul tarixində Xaçmaz rayonunun Nabran qəsəbəsində naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlu bu gün axtarışların aparıldığı ərazidə sağ-salamat tapılaraq ailəsinə təhvil verilib.



Aytən Zəhra
AzVision.az


Teqlər: Nabran  





Xəbər lenti