"İşıq pulu çox gəlib" iddialarına Rəsmi cavab

"İşıq pulu çox gəlib" iddialarına Rəsmi cavab
  08 Avqust 2018    Oxunub:11267
Son günlər elektrik enerjisi sərfiyyatına görə ödənişin artıq yazılması ilə bağlı sosial şəbəkələrdə paylaşmaların sayı çoxalıb. Həmin şəxslər qeyd edirlər ki, eyni qaydada elektrik enerjisi istifadə etsələr də, ötən ay ilə müqayisədə yeni gələn bildirişlərdə işıq pulu çox yazılıb.
Məsələ ilə bağlı "Azərişıq" ASC-nin mətbuat xidmətinin rəhbəri Tanrıverdi Mustafayev AzVision.az-a bildirib ki, bildiriş sayğacın göstəricisi əsasında verilir.

Qurum rəsmisi qeyd edib ki, hər bir abonentə istifadə etdiyi elektrik enerjisi sərfiyyatına görə bildiriş verilir.

"Burada narahatçılığa heç bir əsas yoxdur. Həm də Tarif Şurasının qərarı ilə 300 kilovatdan sonra qiymətin 11 qəpikdən hesablanmasını da nəzərə almaq lazımdır. Əgər hansısa abonentin narazılığı varsa, bizə müraciət etsin, həmin məsələ araşdırılsın".

Anar Kəlbiyev
AzVision.az


Teqlər: Azərişıq   Abonent  





Xəbər lenti