7 gün əvvəl itən şəxsin meyiti tapılıb - Yenilənib

  06 Sentyabr 2018    Oxunub : 3579
7 gün əvvəl itən şəxsin meyiti tapılıb - Yenilənib
Avqustun 29-da Kür çayının Tovuz rayonunun Girzan kəndi ərazisindən keçən hissəsində batdığı ehtimal olunan 20 yaşlı Quliyev Elxan Vüsal oğlunun axtarışları başa çatıb.
FHN-dən AzVision.az-a verilən məlumata görə, axtarışlar zamanı aşkar edilmiş meyitin E.Quliyevə aid olduğu müəyyən olunub.

**

Kür çayının Tovuz rayonunun Girzan kəndi ərazisindən keçən hissəsində avqustun 29-da batdığı ehtimal olunan 1998-ci il təvəllüdlü Quliyev Elxan Vüsal oğlunun axtarışları aparılan zaman Kür çayının Tovuz rayonunun Əyyublu kəndi ərazisindən keçən hissəsində naməlum kişi meyiti aşkar edilib. FHN-dən AzVision.az-a verilən məlumata görə, meyit sudan çıxarılaraq aidiyyəti üzrə təhvil verib. Hazırda meyitin kimliyinin müəyyən olunması üçün zəruri tədbirlər görülür. Axtarışlar davam etdirilir.

AzVision.az

Teqlər: FHN