Təcridxanaya narkotik keçirilməsinin qarşısı alınıb

Təcridxanaya narkotik keçirilməsinin qarşısı alınıb
  08 Oktyabr 2018    Oxunub:3532
Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik maddə keçirilməsi cəhdlərinin qarşısı alınıb.
Xidmətdən AzVision.az-a verilən məlumata görə, Cinayət Məcəlləsinin 177.3.2 və 234.4.3-cü maddələrinə əsasən həbs edilmiş şəxs Aslanov Elşən Siyavuş oğluna tanışı Bakı şəhəri sakini Həsənov Aslan Baba oğlu tərəfindən gətirilmiş sovqata baxış keçirilən zaman içərisində olan şalvarın ətəklərinə tikilərək gizlədilmiş 2 ədəd kağız bükülüdə 0.376 qram narkotik vasitə - heroin aşkar olunub.



Cinayət Məcəlləsinin 181.2.1; 181.2.3 və 181.2.5-ci maddələrinə əsasən həbs edilmiş şəxs Nurullayev Bəhruz Radikoviçin yanına qısamüddətli görüşə gəlmiş xalası oğlu Qusar rayon sakini Daşdəmirov Mumin Marifoviçin üzərinə baxış keçirilən zaman cibində çəkisi 0.25 qram olan 4 ədəd çətənə tumu aşkar olunub.

Hər iki faktla əlaqədar araşdırma aparılır.

AzVision.az


Teqlər: Narkotik   Penitensiar-xidmət  





Xəbər lenti


Azvision.az ©2014 | Bütün hüquqları qorunur