Qəbələdə yanan ərəblərdən ikisinin vəziyyəti ağırdır - Yenilənib
Səhiyyə Nazirliyindən AzVision.az-a verilən məlumata görə, Suriya vətəndaşı olan 1993-cü il təvəllüdlü Əlhəmidi Əhməd Adnan oğlu və 1989-cu il təvəllüdlü Əlhəmidi Nura Adnan qızı Respublika Yanıq Mərkəzinə yerləşdirilib.
Respublika Yanıq Mərkəzinin baş həkimi Şöhrət Məmmədov AzVision.az-a bildirib ki, ərəb turistlərin vəziyyəti ağırdır.
“Bədənlərinin 35-40 faizi yanıb, dərin yaralardır. Tənəffüs yollarının yanığı da var. Hər ikisi ağır vəziyyətdə reanimasiyaya yerləşdirilib, müalicələri davam edir”.
Qeyd edək ki, oktyabrın 8-də səhər saatlarında Qəbələ rayonunun mərkəzində yerləşən fərdi evlərdən birində yanğın baş verib. Hadisə nəticəsində turistlər - bir ailənin 6 üzvü xəsarət alıb, 1 nəfər isə dünyasını dəyişib.
Aytən Zəhra
AzVision.az
Teqlər: Səhiyyə-Nazirliyi Qəbələ Yanğın