BQXK nümayəndələri Dilqəm və Şahbaza baş çəkib

  12 Oktyabr 2018    Oxunub : 617
BQXK nümayəndələri Dilqəm və Şahbaza baş çəkib
Beynəlxalq Qırmızı Xaç Komitəsinin nümayəndələri (BQXK) Dağlıq Qarabağ münaqişəsi nəticəsində saxlanılan şəxslərə baş çəkiblər.

Bu barədə AzVision.az-a BQXK-nın Azərbaycan nümayəndəliyindən məlumat verilib.
Bildirilib ki, BQXK-nin nümayəndələri oktyabr ayının əvvəllərində Dağlıq Qarabağ münaqişəsi nəticəsində saxlanılan şəxslərə baş çəkib və onlara ailələri ilə əlaqə saxlamaları üçün şərait yaradılıb.

Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.

İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.

Anar Kəlbiyev
AzVision.az

Teqlər: BQXK   Kəlbəcər-Girovları   Dilqəm   Şahbaz