BDU karantinə alınan tələbə ilə bağlı məlumat yayıb

  31 Yanvar 2020    Oxunub : 2277
 BDU karantinə alınan tələbə ilə bağlı məlumat yayıb
BDU-nun Tarix fakültəsinin III kurs tələbəsi Liu Yousha yanvar ayının ortalarında Çindən Azərbaycana geri dönüb. Tələbədə hər hansı virusun əlamətləri müşahidə olunmayıb.
Azvision.az xəbər verir ki, bu barədə Bakı Dövlət Universitetinin yaydığı məlumatda bildirilib.

Qeyd olunub ki, tələbə Çinin hazırda virusun tüğyan etdiyi bölgəsindən deyil: "O, Çindən gəldiyi üçün Universitet rəhbərliyinin təşəbbüsü ilə Kliniki Tibbi Mərkəzə müayinəyə göndərilib. Tələbə KTX-yə tərəfimizdən göndərilərkən onda heç bir xəstəlik əlaməti olmayıb. Kliniki Tibbi Mərkəzdə Liu Yousha müayinə olunub, onda virusun heç bir əlaməti aşkar olunmayıb, yalnız karantin müddəti ilə bağlı təhlükəsizlik baxımından nəzarətdə saxlanılır.

Bakı Dövlət Universitetində çoxlu əcnəbi tələbələr təhsil alır. Universitet rəhbərliyi hər zaman onlara diqqət və qayğı ilə yanaşır. Liu Yousha da bu məqsədlə müayinəyə göndərilib və universitet rəhbərliyinin diqqətində saxlanılır".

Azvision.az

Teqlər: BDU   Tələbə