“Vasitəçilik missiyasında Türkiyənin iştirak etməyə haqqı var” - Prezident

  07 Oktyabr 2020    Oxunub : 1635
    “Vasitəçilik missiyasında Türkiyənin iştirak etməyə haqqı var” -    Prezident
Döyüş əməliyyatlarının lap əvvəlindən deyirdik ki, biz danışıqlar prosesindən çıxmırıq, biz siyasi nizamlamaya ümid edirik, lakin bu, nizamlama olmalıdır. Biz daha 30 il gözləyə bilmərik ki, Ermənistana nə vaxt müvafiq təsir göstəriləcək.
Azvision.az xəbər verir ki, Prezident İlham Əliyev bu barədə Rusiyanın “Pervıy Kanal” televiziyasına müsahibəsində bildirib.

“İndiki vasitəçilik missiyasının 28 il ərzində heç bir nəticəyə gətirib çıxarmaması, fəaliyyətsizliyə, mövcud vəziyyətə gətirib çıxarması nəzərə alınmaqla biz, əlbəttə, praqmatik yanaşmanı əsas götürməliyik. Eskalasiyanın azalması, möhkəm sülhün bərqərar olması, əməkdaşlığın inkişafı üçün regionda baş verən hadisələrə kimin real müsbət təsir göstərə biləcəyini nəzərə almaqla, şübhəsiz, fəal döyüş əməliyyatları başa çatandan sonra həyata keçiriləcək vasitəçilik missiyasında Türkiyənin böyük ölkə kimi, bizim qonşumuz, Cənubi Qafqazda qonşumuz kimi iştirak etməyə tamamilə haqqı var. Əlbəttə, hesab edirəm ki, bunlar, ilk növbədə, Türkiyə və Rusiyadır”, - deyə Azərbaycan Prezidenti vurğulayıb.

Azvision.az

Teqlər: Prezident   İlham-Əliyev