Məşhur fərari komandirə erməni ordusunda vəzifə verilib

   Məşhur    fərari komandirə    erməni ordusunda vəzifə verilib
  01 Sentyabr 2022    Oxunub:1714
Xəbər verdiyimiz kimi bir neçə gün öncə Qarabağ separatçılarının "Müdafiə Ordusunun" keçmiş komandanı, general- leytenant Mikayel Arzumanyan həbs edildi. Ermənistan İstintaq Komitəsinin yaydığı məlumata görə, o, “Şuşa şəhəri və ona bitişik ərazilərin müdafiəsində səhlənkarlıq” işi ilə bağlı saxlanılıb. Amma sonradan məlum oldu ki, general müvəqqəti olaraq azadlığa buraxılıb.
İrəvanın müharibə vaxtı əsas əməliyyatlara rəhbərlik edən generallardan biri olan Arzumanyanı saxlaması erməni cəmiyyətində qıcıq doğurub.

“Paşinyanın oğluna görə Cəbrayılda 1200 əsgərimiz öldü” - Erməni döyüşçü
Məsələn ermənilərin "Manax" ləqəbli keçmiş döyüşçüsü, hazırda siyasi fəallığı ilə seçilən Artur Ayvazyan iddia edib ki, generalın başına gətirilən bu "sıxma-boğma əməliyyatlarında" siyasi çalarlar var. Əks təqdirdə uğursuz əməliyyatlara görə Şuşadan öncə Hadrut döyüşlərindəki komandirlərdən başlamaq lazım olardı.

- Biri mənə deyə bilərmi ki, Hadrut alayının keçmiş komandiri indi haradadır? Bilmirsinizsə deyim. O, Suren Papikyanın qohumu olduğu üçün hazırda Ermənistan Respublikasının Müdafiə Nazirliyinin 10-cu hərbi hissəsinin komandiri kimi fəaliyyət göstərir. Yayloyan Vahan adlı həmin yüksək rütbəli komandir döyüşlər zamanı öz alayını tərk edərək qaçmışdı... Siz hələ Hadrutla bağlı yaranmış suallara cavab tapmamısınız, bu suallara cavab vermədən Şuşa işinə gəlib çıxmısınız?, – "Manax" İrəvanın müəmmalı həbs və məhkəmə işlərindən gileylənib.

Tural Tağıyev
AzVision.az



Teqlər:   Hadrut   Komandir   Fərari  





Xəbər lenti