Ziya Məmmədova şikayət etdilər
Nazirliyin struktur bölmələri rəhbərlərinin iştirakı ilə keçirilən qəbulda yol infrastrukturu və nəqliyyat məsələləri ilə bağlı problemlər araşdırılıb, vətəndaşların müraciət və təklifləri dinlənilib.
Müraciətlər əsasən kəndlərarası və kənddaxili yolların bərpası, dağ çayları üzərində körpülərin salınması, piyada keçidlərinin tikintisi, habelə rayon mərkəzlərindən keçən magistral avtomobil yollarının şəhərdən kənara çıxarılması və digər məsələlərlə bağlı olub. Qaldırılan məsələlərin bir çoxu yerindəcə həllini tapıb, digər müraciətlər operativ həll olunması üçün nazirliyin aidiyyəti strukturlarının rəhbərlərinə müvafiq tapşırıqlar verilib.
Nazir Ziya Məmmədov son illər ölkəmizdə yol-nəqliyyat infrastrukturunun yaxşılaşdırılması istiqamətində ardıcıl tədbirlərin həyata keçirildiyini bildirib, Prezidentin müvafiq sərəncamlarına əsasən respublikanın hər yerində olduğu kimi, bu bölgədə də yaşayış məntəqələrini birləşdirən avtomobil yollarının yenidən qurulduğunu, əsaslı təmir olunduğunu diqqətə çatdırıb.
Qeyd olunub ki, bu istiqamətdə tədbirlər gələcəkdə də davam etdiriləcəkdir.
AzVision.az