Üzeyir Cəfərov dindirilmə olayı ilə bağlı maraqlı məqamlara toxunub: "Saat 15-də mühüm işlər üzrə müstəntiq Qasım Məmmədovla görüşdük. 2 saatdan çox dindirilmə aparıldı. İstintaq sirri olduğuna və bu haqda yazılı iltizam verdiyimə görə çox məsələlərin üstünü aça bilməyəcəyəm. Ortalıqda çox ciddi məqamlar var. Mənim bu günə kimi bilmədiyim elə dəhşətli faktlardan da söhbət getdi ki, mən sadəcə o məqamların tezliklə aydınlaşdırılmasını istərdim.
Eyni zamanda, mən hal-hazırda həbsdə olan jurnalist dostumuz Rauf Mirqədirov və digər bir xeyli yoldaşlarla əlaqədar öz fikrimi yazılı şəkildə istintaqın diqqətinə çatdırdım. Sağ olsunlar, dediklərimi olduğu kimi də qeydə alıb, həm müstəntiq Qasım Məmmədov öz imzası ilə, həm də mən imzamla təsdiqlədim. Bir Allah şahiddir ki, mən jurnalist dostumuz Rauf Mirqədirovla bağlı onun çox istedadlı qələm sahibi olmasını, Azərbaycan ictimaiyyəti qarşısında xidmətlərini də nəzərə alınmasını xahiş etdim. 2001-ci ildə Ermənistana ATƏT xətti ilə etdiyim səfərlə bağlı da çoxlu çoxlu sorgu-suallar oldu.
Şəxsən məni ən çox narahat edən məqamlardan biri, Azərbaycanın Müdafiə Nazirliyi sistemində kim(lər)insə dövlət və hərbi sirlərin düşmən ölkəyə ötürülməsində maraqlı olması və iştrakı faktı oldu ki, inşallah yəqin ki, yaxın vaxtlarda bu haqda Baş Prokurorluq verəcəyi məlumatda öz fikrini açıqlayacaq.
Üzeyir Cəfərov: `Dəhşətli faktlar var`
23 May 2014
Oxunub:4394
Azərbaycanın tanınmış hərbi jurnalisti Üzeyir Cəfərov bu gün Baş Prokurorluğun Ağır Cinayətlərə Dair İşləri üzrə İstintaq İdarəsində dindirilməsi ilə bağlı Facebook səhifəsində yeni açıqlama yayıb.
Vaxtında, Aydın, Lazımlı!
-1741444268.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
