Səfirlikdən təkzib: Morninqstar XİN-ə çağırılmayıb

  23 May 2014    Oxunub : 434
Səfirlikdən təkzib: Morninqstar XİN-ə çağırılmayıb
ABŞ-ın Azərbaycandakı Səfirliyi səfir Riçard Morninqstarın Xarici İşlər Nazirliyinə çağırılması haqda xəbərlərə aydınlıq gətirib.

AzVision.az xəbər verir ki, səfirlik məlumatları təkzib edərək R.Morninqstarın XİN-ə çağırılmadığını bəyan edib.

Qeyd edək ki, diplomatik mənbələrdən APA-ya verilən məlumata görə, ABŞ-ın Azərbaycandakı fövqəladə və səlahiyyətli səfiri Riçard Morninqstar Azərbaycan Xarici İşlər Nazirliyinə çağırılıb.

Səfirə “Azadlıq” radiosuna müsahibəsində işlətdiyi bəzi ifadələr xatırladılıb, Azərbaycanın daxili işlərinə qarışmağın əksini tapdığı fikirlərə yol verilməsinin qeyri-məqbul olması barədə irad bildirilib.

Səfirin diqqətinə çatdırılıb ki, bu kimi addımlar həm iki ölkə arasında münasibətlərin ruhuna, həm də diplomatik fəaliyyət normalarına uyğun deyil.

AzVision.az

Teqlər: