Milli Okean və Atmosfer Administrasiyasının (NOAA) baş alimi Sara Kapnik bildirib ki, 2023-cü il indiyə qədər qeydə alınan üçüncü ən isti il ​​olub:

"2023-cü ilin ən isti beş il arasında olma ehtimalı təxminən 99 faizdir. Lakin 2023-cü ilin ən isti il ​​olma ehtimalı təxminən 50 faizdir".

NASA Goddard Kosmik Tədqiqatlar İnstitutunun direktoru Gavin Schmidt bildirib ki, "El Nino" kimi tanınan Sakit okeanda istiləşmə səbəbindən gələn il bu ildən daha isti ola bilər.

"El Nino"nun ən böyük təsiri əslində 2024-cü ildə baş verəcək. Ona görə də biz proqnozlaşdırırıq ki, 2023-cü il həddindən artıq isti və bəlkə də rekord dərəcədə isti il ​​olmasına baxmayaraq, 2024-cü il daha isti olacaq", - Şmidt bildirib.

Avropa Birliyinin "Kopernik"iqlim rəsədxanası keçən həftə iyulun Yer kürəsində indiyə qədər qeydə alınan ən isti ay olduğunu bildirib. NOAA-nın açıqladığı rəqəmlər Aİ-nin məlumatlarına uyğundur.

İyulda qlobal səthin orta temperaturu orta səviyyədən 1,12 dərəcə yüksək olub və NOAA-nın 174 illik sənədlərində ən isti iyul olub.

NASA-nın baş alimi və baş iqlim məsləhətçisi Keyt Kelvin bildirib ki, iqlim dəyişikliyi bütün dünyada insanlara və ekosistemlərə təsir edir.

"Temperaturun dəyişməsi ilə yanaşı, biz dəniz səviyyəsinin qalxması, Arktikada dəniz buzunun azalması, meşə yanğınları, güclü yağış hadisələri və s. kimi digər iqlim dəyişikliklərini də yaşayırıq”.

ABŞ Kosmik Agentliyinin direktoru Bill Nelson Yür kürəsində istiləşmənin olduğunu aydın görsəndiyini qeyd edib

"Ana Təbiət bizə mesaj göndərir. Və bu mesaj ondan ibarətdir ki, iqlimimizi, başqa sözlə, planetimizi xilas etmək üçün çox gec olmadan indi hərəkətə keçməliyik".

Aytən Zəhra
AzVision.az