AzVision.az ABŞ Dövlət departamentinin sözçüsü Vedant Patel keçirdiyi mətbuat konfransında ona ünvanlanan “Vaşinqton və Tehran arasında gərginliyin azaldılması üçün yazılmamış anlaşma varmı və bu anlaşma girovlar məsələsi ilə bağlıdırmı?” sualının cavabında bu məsələlərin fərqli məqamlar olduğunu söyləyib.
“Əlbəttə, biz İranın heç vaxt nüvə silahı əldə etməməsi prinsipinə sadiqik və buna nail olmaq üçün diplomatiyanın ən yaxşı yolu olduğuna inanmaqda davam edirik. İranın dağıdıcı və sabitliyi pozan fəaliyyətlərinə görə məsuliyyət daşıması üçün tədbirlər görəcəyik İranın pilotsuz təyyarələr və digər təhlükəli silahların inkişafı, istehsalı və yayılmasına qarşı mübarizədə müttəfiqlərimiz və tərəfdaşlarımızla əməkdaşlığı davam etdirəcəyik”, - Patel deyib.
“Financial Times” qəzeti Amerika hökumətinin son dolayı danışıqlar zamanı Tehran qarşısında Rusiyanı dronlarla təchiz etməkdən çəkinmək tələbini qoyduğunu bildirib. Qəzetin yazdığına görə, ABŞ-nin bu tələbi ötən həftə məhbus mübadiləsi sazişi ilə bağlı aparılan danışıqlar zamanı qaldırılıb.
AzVision.az
Vaşinqton İranla yalnız məhbus mübadiləsi anlaşmasının olduğunu açıqlayıb
17 Avqust 2023
Oxunub:1158
İranda həbsdə olan Amerika vətəndaşlarının azad edilməsinə dair razılaşma məsələsi digər məsələlərdən ayıran Vaşinqton Tehranla digər heç bir razılaşmaya yaxınlaşmadığını bildirir.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
