AzVision.az xəbər verir ki, bu barədə "The Washington Post" sızdırılan sənədlərə istinadən məlumat yayıb.

Nəşrin yazdığına görə, Rusiyanın bir vaxtlar səs-küylü sənaye mərkəzinin mühəndisləri planlaşdırma ilə məşğul olublar. Komandaya gizli olaraq gecə-gündüz işləyən, özünü partladan pilotsuz təyyarələr istehsal edəcək bir müəssisə qurmaq tapşırığı verilib.

Proqramın təhlükəsizliyinə cavabdeh Rusiya FSB-nin təqaüdçü zabiti olub. Ölkəni tərk edə bilməmələri üçün yüksək ixtisaslı işçilərin pasportları götürülüb. Yazışmalarda və digər sənədlərdə mühəndislər sirli dildən istifadə ediblər: pilotsuz təyyarələr “qayıqlar”, onların partlayıcıları “bamperlər”, gizli şəkildə texniki yardım göstərən İran isə “İrlandiya” və ya “Belarus” idi.

Rusiyanın İranla milyard dollarlıq silah müqaviləsi noyabr ayında Moskvadan 500 mil şərqdə Tatarıstan bölgəsində bağlanıb. Onun məqsədi 2025-ci ilin yayına qədər ölkədə 6000 pilotsuz uçan aparatın olmasıdır. Bu, Rusiya ordusunun cəbhə xəttində xroniki pilotsuz uçuş aparatları çatışmazlığını aradan qaldırmaq üçün kifayət edəcək.

Xatırladaq ki, daha əvvəl Britaniya kəşfiyyatı Rusiyanın artıq öz istehsalı olan “Şahed” pilotsuz təyyarələrindən istifadə etməyə başladığı barədə məlumatlar yayıb.

Eyni zamanda, İran 2022-ci ilin sentyabrından PUA-ların yığılması üçün lazım olan komponentləri tədarük edir.

Həmçinin iyun ayında Ağ Evdə ABŞ Milli Təhlükəsizlik Şurasının koordinatoru Con Kirbi qeyd edib ki, İran Rusiyaya “Şahed" istehsalı zavodunun tikintisinə fəal kömək edir. Zavod gələn ilin sonuna kimi tikilməli idi.

AzVision.az