Bu gün isə daha bir gülməli iddia səsləndirilib. Separatçıların "Ardarutyun" Partiyasının İcraiyyə Komitəsinin sədri Arşak Abramyan Facebook səhifəsində yazıb ki, indi də tualet kağızı tapa bilmirlər.

"Xankəndidə ermənilər xoşbəxtdir" - Aclıq iddialarına fotolarla cavab

"Qarabağ hökuməti", (Xankəndidə oturan separatçıları nəzərdə tutur -red.) siz ümumiyyətlə xalqı düşünürsünüzmü? 21-ci əsrdə insanlar tualet kağızı əvəzinə kitab səhifələrindən, qəzetlərdən və yarpaqlardan istifadə edə bilərmi?. Tualet kağızı, salfet yoxdur, insanlar indi nə etməlidirlər... Tualetdən ərəblər kimi istifadə etməyə başlayaq, ya necə?", - tualet kağızını gündəmə gətirən "partiya sədri" gileylənib.

Xatırladaq ki, bir neçə gün öncə İrəvan BMT Təhlükəsizlik Şurasının iclasında təxribata əl ataraq Azərbaycanı şantaj etməyə çalışmışdı. Ermənistan XİN rəhbəri Ararat Mirzoyan, - "Aclıq görünməz soyqırım silahıdır və tədbirlər görülməsə, Qarabağdakı ermənilər məhv ediləcək", - demişdi. Lakin Azərbaycanın BMT-dəki daimi nümayəndəsi Yaşar Əliyev Azərbaycanın Qarabağ bölgəsindəki vəziyyətə həsr olunan iclasda tutarlı faktlarla çıxış edərək məsələyə nöqtə qoyub.
Tural Tağıyev
AzVision.az