AzVision.az xəbər verir ki, bu barədə Britaniyanın “Financial Times” qəzeti Avropa İttifaqı Şurasının prezidenti Şarl Mişelin Sloveniyanın Bled şəhərində XVIII Beynəlxalq Strateji Forumun açılışındakı çıxışına istinadən məlumat yayıb.

"Bizə güvənilməsini istəyiriksə, vaxt qrafikləri haqqında danışmalıyıq. Biz növbəti Aİ strateji gündəmini hazırlayarkən özümüzə aydın bir məqsəd qoymalıyıq. Biz hər iki tərəfdən 2030-cu ilə qədər genişlənməyə hazır olmalıyıq. Biz genişlənməyə həm Aİ, həm də onun gələcək üzv dövlətləri üçün əsas çağırışlarımızdan biri kimi baxmalıyıq”, - Mişelin çıxışında deyilir.

"Bu, iddialıdır, lakin zəruridir. Bu, bizim ciddi olduğumuzu göstərir. İmkanlar pəncərəsi açıqdır. Biz buna uyğun hərəkət etməliyik", - Avropa Şurasının rəhbəri çıxışında bildirib.

Albaniya, Moldova, Şimali Makedoniya, Serbiya, Türkiyə, Ukrayna və Monteneqro hazırda Aİ üzvlüyünə rəsmi namizədlərdir. Türkiyə Aİ-yə üzvlüklə bağlı ən uzun danışıqlar aparan ölkə olub - 2005-ci ildən. Monteneqro 2010-cu ildən namizəd statusundadır. Bu ölkələrin heç birinin assosiasiyaya qəbulu üçün konkret müddət yoxdur.

AzVision.az