AzVision.az İsrail mətbuatına istinadən xəbər verir ki, İsrailin müdafiə naziri general Yoav Qallant BMT-dəki çıxışında İranın Hizbullahı İsrailə qarşı hərəkətə keçməyə təşviq etdiyini və gərginliyin artdığını bildirib.
“Hizbullahın hərəkətləri İsrailin suverenliyini pozur və gərginliyi azaltmaq üçün BMT-nin təcili müdaxiləsinə ehtiyac var. BMT ehtiyatlı olmalı və Livanın cənubundakı sülhməramlı qüvvələrinin müstəqil əməliyyat qabiliyyəti qorunmalıdır”, - Qallant deyib.
İsrail mediası ölkənin müdafiə nazirinin cənab Quterreşlə İranın “Hizbullahı, Həması və digər terror təşkilatlarını maliyyələşdirməsi və silahlandırması” məsələsini müzakirə etdiyini və bunu Yaxın Şərqdə sabitliyə təhdidlərin bir hissəsi adlandırdığını yazıb.
İsrail və Hizbullah son vaxtlar bir-birini təhdid edir. Təl-Əviv Hizbullahla hər hansı bir müharibə olacağı təqdirdə Livanın “daş dövrünə” qayıdacağını bildirdikdən sonra, Hizbullahın baş katibi də İsraillə bağlı oxşar xəbərdarlıq açıqlayıb.
AzVision.az
Yoav Qallant: İran Hizbullahı İsrailə qarşı hərəkətə keçirir
30 Avqust 2023
Oxunub:1383
İsrailin müdafiə naziri BMT-nin Baş katibi Antonio Quterreşdən “potensial imkanlar və İsrail-Livan sərhədində təhlükəsizlik vəziyyətinin pisləşməsi” səbəbindən İranla Hizbullaha qarşı tədbir görməsini istəyib.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
