Rusiya məhkəməsi Rövşən Əsgərovu 40 min cərimələdi

Rusiya məhkəməsi Rövşən Əsgərovu 40 min cərimələdi
  30 Avqust 2023    Oxunub:1117
Moskvanın Savelovski Məhkəməsi “Nə? Harada? Nə vaxt?” teleşousunun oyunçusu Rövşən Əsgərovu xarici agentin qaydalarını pozduğuna görə 40 min rubl cərimələyib.
Bu barədə TASS-a məhkəmənin mətbuat xidmətindən məlumat verilib.

Qeyd edək ki, R. Əsgərov 2022-ci ilin dekabrında Rusiyada xarici agent kimi tanınıb. Aprelin sonu Rusiyada onun barəsində cinayət işi başlanılıb, mayın əvvəlləri isə o, bu ölkədə axtarışa verilib. Əsgərov, sosial şəbəkələrdəki paylaşımlarında nasizmi bərpa etməkdə ittiham olunur.

İstintaq Komitəsi bildirib ki, Əsgərov feysbukda rusiyalı sərkərdə, SSRİ marşalı Georgi Jukovun xatirəsini təhqir edən yalan məlumatlar paylaşıb. Qarşı tərəf isə barəsində açılan cinayət işi ilə bağlı açıqlamasında nasizmi reabilitasiya etmək ittihamlarını rədd edib.

Şahanə Rəhimli

AzVision.az


Teqlər: RövşənƏsgərov  





Xəbər lenti


Azvision.az ©2014 | Bütün hüquqları qorunur