Ərdoğan Putindən amfibiya təyyarələri istədi

Ərdoğan Putindən amfibiya təyyarələri istədi
  04 Sentyabr 2023    Oxunub:1152
Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə görüşü zamanı diqqət çəkən fikirlər səsləndirib. O, dünyanın, xüsusən də, Afrikanın az inkişaf etmiş ölkələrinin “Taxıl sazişi” ilə bağlı müzakirənin nəticələrini gözlədiyini deyib.
AzVision.az xəbər verir ki, bu barədə TASS məlumat yayıb.

O, Rusiyanın meşə yanğınları ilə mübarizə sahəsində Türkiyəyə göstərdiyi yardıma görə Vladimir Putinə təşəkkür edib.

Putin: "Akkuyunun ilk bloku gələn işə salınacaq"
Ərdoğan Moskvanın meşə yanğınlarının söndürülməsi üçün əlavə amfibiya təyyarələri göndərə biləcəyinə ümid etdiyini də söyləyib. Onun sözlərinə görə, yayda göndərilən iki Rusiya amfibiya təyyarəsi meşə yanğınları ilə mübarizədə mühüm rol oynayıb.

“Bu rəqəmi iki dəfə artıra bilsək, bu, xeyli məqsədəuyğun olar. Çünki hər yay belə bir təhlükə ilə üzləşirik”, – deyə Ərdoğan bildirib.

Xatırladaq ki, bundan əvvəl Türkiyənin Kənd Təsərrüfatı və Meşə Naziri İbrahim Yumaklı Rusiyaya məxsus amfibiya təyyarəsinin Çanaqqala vilayətində yanğının söndürülməsində iştirak etdiyini söyləmişdi.

Tural Tağıyev
AzVision.az



Teqlər:   Ərdoğan   Putin  





Xəbər lenti


Azvision.az ©2014 | Bütün hüquqları qorunur