Mətbuat katibi Qor Abrahamyanın yaydığı məlumatda bildirilir ki, Ermənistan Milli Təhlükəsizlik Xidməti tərəfindən başlanılmış və İstintaq Komitəsinə verilmiş cinayət işi üzrə sentyabrın 6-da və 7-də Ermənistanın Sünik rayonunda 7 vətəndaş saxlanılıb. Onların arasında Mika Badalyan və Aşot Gevorkyan da var.

Onlar odlu silah, onun əsas komponentlərinin, döyüş sursatı və digər materialların, cihazların, əşyaların qanunsuz dövriyyəsi maddəsi ilə ittiham olunurlar. İstintaq qrupu yaradılıb. İstintaq və istehsalat prosedurları aparılır. İstintaq Komitəsi cinayət işi ilə bağlı daha sonra əlavə məlumat verəcəyini vəd edib.

***
Rusiyayönümlü bloger Mika Badalyan və Sputnik Armenia radiosunun şərhçisi Aşot Gevorkyan ötən gecə Gorusda saxlanılıblar, hazırda İstintaq Komitəsindədirlər.

Sputnik Ermənistan xəbər verir ki, hazırda istintaq prosedurları davam etdirilir, lakin həbsin səbəbi hələlik açıqlanmır.

Mika Badalyanın İrəvanda və onun hüdudlarından kənarda terror aktlarının hazırlanması ilə bağlı yalan məlumat yaymaqda ittiham olunaraq həbs edildiyi, daha sonra zaminə buraxıldığı bildirilib.

Rusiya Xarici İşlər Nazirliyinin rəsmi nümayəndəsi Mariya Zaxarova vəziyyətə münasibət bildirib. O, bunun Yerevanda keçirilən Rusiya-Ermənistan media forumu ilə bağlı növbəti təxribat olduğunu istisna etməyib.

"Yatıb iki ölkə arasında münasibətləri necə pozacağını görənlərin təxribatı. Qərb isə buna külli miqdarda pul yatırıb. Açığı, son vaxtlar buna yönəlmiş qüvvələr güclənib. Mən qəbul etmək istəmirəm ki, gələn hökumət “Azadlıq” və “Söz hər kəsin mütləq hüququdur” şüarları altında jurnalistlərin təqibinə sanksiya verəcək və məlumatların yayılmasına mane olacaq”, - o yazıb.

Bu günlərdə İrəvanda Birinci Rusiya-Ermənistan Media Forumu keçirilir.

Şahanə Rəhimli
AzVision.az