"Heç yerə getmirəm, hesab edirəm ki, hamı istefamı xəyal etməyi dayandırmalıdır. Mən olduğum yerdəyəm, amma hara lazımdırsa, gedəcəm. Çünki bu, mənim ən yüksək konstitusiya borcumdur. Mən bu ölkənin konstitusiyasını qoruyuram. Bu andı mən Gürcüstan prezidenti kimi andiçmə mərasimində vermişəm və ona sona qədər sadiq qalacağam”, Zurabişvili videomüraciətində deyib.
Bundan əvvəl hakim partiya Zurabişvilinin hökmətdən aldığı rədd cavablarına baxmayaraq, xaricə səfərlərini davam etdirməsi ilə əlaqədar onun impiçmentinə başlayacağını bəyan etmişdi.
Vəzifəli şəxsin impiçment yolu ilə vəzifədən kənarlaşdırılması prosedurunun başlanmış hesab edilməsi üçün onun başlanmasına dair yazılı sorğu Gürcüstan parlamenti deputatlarının ən azı üçdə biri tərəfindən imzalanmalıdır. Hakim partiya artıq 80 səs toplayıb.
Bu qərar parlamentin tam tərkibinin ən azı üçdə ikisi tərəfindən dəstəklənərsə, prezident impiçment yolu ilə vəzifəsindən kənarlaşdırılmış sayılır. Parlament çoxluğu 150 səsdən 84 səsə malikdir, impiçment üçün 100 parlamentarın dəstəyi lazımdır.
Bundan əvvəl Gürcüstan hökuməti Zurabişvilinin Almaniya, Ukrayna, İsrail və BƏƏ də daxil olmaqla 10 ölkəyə xarici səfərlərini rədd etmişdi.
Şahanə Rəhimli
AzVision.az
"İstefa verməyəcəyəm, xəyallardan əl çəkin" - Zurabişvili
07 Sentyabr 2023
Oxunub:1646
Gürcüstan prezidenti Salome Zurabişvili hakim partiyanın Aİ-yə razılaşdırılmamış səfərlərinə görə ona impiçment elan etmək təşəbbüsünə baxmayaraq, istefaya getmədiyini və Avropa ölkələrinə səfərlərini davam etdirəcəyini bildirib.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
