AzVision.az xəbər verir ki, toplantı Emili Şreyderin, jurnalist və qadın fəalların, habelə digər ictimai fəalların dəvəti ilə “İsraillilər iranlıları sevir” kampaniyası çərçivəsində keçirilib.

Şreyder etiraz və reportajlara görə rejim tərəfindən hədəfə alınan, təqib edilən iranlı jurnalistlər, sənətçilər, fəallar və idmançıların müdafiəsinin davam etdirilməsinin vacibliyini vurğulayıb.

“Bütün İran xalqına mesajım budur ki, siz bizim düşmənimiz deyilsiniz və biz azadlıq mübarizəsində sizinləyik. İran xalqı ilə dostluğumuz artıq 44 ildir iranlılara deyilən yalanı parçalayır. Ona görə də bu rejim çökənə qədər səsimizi ucaltmalıyıq. Mən Kirus razılaşmasına sahib olacağımız və gözəl İran xalqı ilə inkişaf edən, sülhsevər və qarşılıqlı faydalı əlaqələrimizə qayıdış görəcəyimiz günü səbirsizliklə gözləyirəm”, - Şreyder deyib.

Tədbirdə israilli müğənni İtay Ben David Məhsa Əmininin ölümündən sonra İranı bürümüş etirazlar fonunda iranlı müğənni-bəstəkar Şərvin Hacıpurun yazdığı “Baraye” (üçün) mahnısını ifa edib. Mahnı etirazlar zamanı qısa vaxt ərzində himnə çevrilib.

Ben David tədbirdə “Qadın, Həyat, Azadlıq” mənasını verən “Zən Zəndegi Azadi” sözləri yazılmış köynək geyinib. Şüarın kürd dilindəki ekvivalenti onilliklər ərzində kürd fəallar tərəfindən istifadə edilir və Əmininin ölümü ilə başlayan etirazların mərkəzi hissəsinə çevrilir.

I was proud to speak at Israel’s protest in support of the people of Iran against the regime tonight.

با افتخار در تظاهرات امشب اسرائیل در حمایت از مردم ایران علیه رژیم سخنرانی کردم. با این پیام به همه مردم ایران، که شما دشمن ما نیستید و ما در مبارزه برای آزادی در کنار شما… pic.twitter.com/UAADGIV9do

— Emily Schrader - אמילי שריידר امیلی شریدر (@emilykschrader) September 7, 2023

AzVision.az