AzVision.az xəbər verir ki, İttifaqın bəyanatında MAQATE-nin müşahidə kameralarının İranın nüvə obyektlərində quraşdırılmasının qarşısının alınması kimi tədbirlərin vəziyyəti daha da mürəkkəbləşdirdiyi vurğulanır.

“Avropa İttifaqı İranın nüvə silahına yiyələnməsinin qarşısını almaq üçün diplomatik və siyasi səylərin davam etdirir və hələ də JCPOA kimi tanınan nüvə sazişinin həyata keçirilməsinə sadiqdir. İranın nüvə proqramının inkişafı nəticəsində regionda nüvə silahının yayılma riski artır və bu vəziyyətdə Avropa İttifaqı bütün ölkələri nüvə gərginliyini azaltmaq üçün BMT Təhlükəsizlik Şurasının 2231 saylı qətnaməsini dəstəkləməyə çağırır. İran uranın zənginləşdirilməsi sürətini 60% səviyyəsində azaltsa da, nüvə silahlarının yayılması ilə bağlı hələ də çoxlu narahatlıqlar var”, - bəyanatda deyilir.

Bəyanatda İranın zənginləşdirilmiş uran ehtiyatlarını genişləndirilməsinin mülki əsasa malik olmadığını və nüvə silahının yayılması riskini artıra biləcəyini qeyd edilir.
MAQATE-nin İranın 83,7%-lik uran hissəciklərinin mənşəyi ilə bağlı açıqlamalarına diqqət çəkən Brüssel bu məsələni də nəzərdən keçirdiyini açıqlayıb. Bununla belə, İranın nüvə silahının yayılması risklərini artıracaq dərəcədə zənginləşdirmək üçün texniki imkanları Avropa Birliyində narahatlığı saxlayır.

İranın nüvə obyektlərindən MAQATE-nin müşahidə kameralarını yığışdırmaq siyasətini davam etdirməsi tənqid olunur və bu addım İranın nüvə proqramının mahiyyətinə inam qazanılmasına mane olan “zərərli” siyasət adlandırılır.
AzVision.az