AzVision.az “Reuters” agentliyinə istinadən xəbər verir ki, ABŞ, İngiltərə, Fransa və Almaniya İrandan elan edilməmiş ərazilərində aşkarlanmış uranın mənşəyi ilə bağlı MAQATE-nin suallarına cavab verməsini istəyiblər. Əks halda Qubernatorlar Şurasının yeni qərarı da daxil olmaqla, Tehrana qarşı əlavə tədbirlər görüləcək.

Lakin Qubernatorlar Şurasının qərarı ilə üzləşməmək üçün İranın hansı müddətə əməkdaşlıq etmək imkanının olduğu açıqlanmayıb.

Təxminən üç ildir ki, İran hökuməti üç elan olunmamış sahədə aşkarlanan uran hissəciklərinin mənşəyini izah etməkdən yayınmaqala yanaşı, MAQATE-nin onun nüvə fəaliyyətlərinə nəzarəti də ciddi şəkildə məhdudlaşdırıb.

MAQATE-nin son hesabatına əsasən, bu ilin martında nüvə proqramına aydınlıq gətirmək üçün qurumla daha çox əməkdaşlığa dair razılaşmaya baxmayaraq, İran çox addım atmayıb və bu yayın əvvəlindən əməkdaşlıqda heç bir irəliləyiş müşahidə edilməyib.
AzVision.az