AzVision.az xəbər verir ki, bu barədə Rusiya Federasiyası Təhlükəsizlik Şurasının katibi Nikolay Patruşev “Razvedçik” jurnalında dərc olunan məqaləsində yazıb.

Patruşev: "Soros Fondu “rəngli inqilablar”ı həyata keçirən əsas mərkəzdir"

O, ABŞ və Avropa İttifaqının “gənc demokratik liderləri” tapıb yetişdirmək üçün külli miqdarda pul xərclədiyini qeyd edib. Gələcəkdə onlardan müxtəlif dövlətlərin ərazisində dövlət çevrilişləri təşkil etmək üçün istifadə olunacaq. Nəticədə isə əvvəllər müstəqil olan ölkələr Qərbdən asılı vəziyyətə düşürlər.

Rusiya Təhlükəsizlik Şurasının katibi qeyd edib ki, bu şəkildə hazırlanmış “liderlər” Mərkəzi Kəşfiyyat İdarəsi (MKİ), Mi-6 və digər Qərb kəşfiyyat xidmətlərindən pullar, göstərişlər alan adi marionetlərə çevrilirlər.

Patruşev əlavə edib ki, Qərb perspektivli idarəediciləri və hüquq-mühafizə orqanlarının nümayəndələrini təsir dairələrinə salmaqla əlavə təsir imkanları əldə edir. Sonradan isə bu insanlar öz dövlətlərinin milli maraqlarına xələl gətirərək “zərərli ideyaların” dirijorlarına çevrilirlər.
Tural Tağıyev
AzVision.az