AzVision.az “İran İnternational” nəşrinə istinadən xəbər verir ki, dinləmələrdə İranın hakimiyyət rejiminin hərbi fəaliyyəti, nüvə proqramı və vətəndaşlara qarşı repressiya siyasəti müzakirə edilib.

Dinləmələrdə İrandan olan ictimai-siyasi fəallar, o cümlədən Məsih Əlinijat, Demokratiyanı Müdafiə fondunun baş elmi əməkdaşı Behnam Ben Taleblu, ABŞ-nin Mərkəzi Kəşfiyyat idarəsinin İran üzrə bölməsinin keçmiş rəhbəri Norman Rolle, ABŞ-nin Brukinqs institutunun İran problemləri üzrə baş analitiki Süzan Meloni və başqaları iştirak ediblər.

Meloninin sözlərinə görə, müxtəlif dövlətlərin hakimiyyətləri İranla danışıqlar aparmağa cəhd göstərsələr də, bunu yarıda dayandırıblar.

Taleblu isə ABŞ-nin müttəfiqlərinin və Körfəz Əməkdaşlıq Şurası ölkələrinin Vaşinqtonun onlardan üz döndərdiyi qənətinə gələrək, bu Tehranla münasibətləri sıxlaşdırdıqlarını söyləyib.

Məsih Əlinijat Tehran rejimini qıcıqlandırmamaq üçün Ağ evin İrana qarşı ehtiyatlı siyasət yürütdüyünü vurğulayıb. Əslində bu bəyanat son vaxtlar Vaşinqtonla Tehran arasında müəyyən məsələlərdə əldə olunan razılaşmaya işarədir. Təsadüfi deyil ki, hətta bəzi ABŞ konqressmenləri bu razılaşmaya görə Bayden administrasiyasından hesabat tələb edirlər.
AzVision.az