Bunu Ermənistanın baş naziri Nikol Paşinyan jurnalistlərə deyib.

“Təəssüf ki, yox. Çünki sənədi imzalamaq planlaşdırılsaydı, onda bu o demək olardı ki, o, maraqlar balansını qoruyur və biz imza atmağa hazırıq.

Biz dedik ki, sülh gündəliyi bizim prioritetimizdir və Azərbaycanla mümkün qədər tez- ilin sonuna qədər, gələn ilin əvvəlində sülh müqaviləsi imzalamaq istəyirik”, - Paşinyan bildirib.

Baş nazir intensiv danışıqların davam etdiriləcəyinə və tərəflərin məsələnin həllinə gələcəklərinə ümid etdiyini bildirib.

"Saziş ilin sonuna qədər imzalana bilərmi?" sualına Paşinyan :“Mən belə bir sazişi imzalamaq üçün siyasi öhdəlik götürmüşəm və o, nə qədər gec olsa, bu, öhdəlik baxımından bir o qədər pisdir. Vəziyyətin dəyişəcəyinə ümid etdiyimiz üçün bunu mümkün hesab edirik.

Bakı-Xankəndi dialoqu üzərində işləyirik”, - Paşinyan qeyd edib.

Şahanə Rəhimli

AzVision.az