Məlumata görə, onlar insanları oğurlayır və kölə kimi işlədirmişlər.

Bildirilir ki, 71 yaşlı Yurin 2021-ci ildən bu işlə məşğul olur. Həmin illərdə o, təsərrüfat işləri ilə məşğul olmaq üçün “qul”lar axtarıb və bu iş üçün Armen Akopyana (şəkildə solda) müraciət edib.

Armen sosial şəbəkələr vasitəsilə fermada işləyən, atları və inəkləri idarə etməyi bacaran yaroslavllı birini tapıb (sağda silahla şəkil).

O, 29 yaşlı gənci güdərək küçədə hücum edib və zorla maşına mindirib. Sonra onu Yurinin bağına gətirərək 12 min rubla (209 manata) satıb.

Məlum olub ki, 29 yaşlı gəncdən başqa, Vasili Yurin digər vasitəçilərlə özünə 43 yaşlı kişi və 48 yaşlı qadını 8 min rubla (139 manat) “alıb”. Sonda o, 54 yaşlı “qul” üçün 15 min (261 manat) ödəyib, lakin müstəntiqlər sövdələşməni pozublar.

Hazırda “quldar” Yurin ev dustaqlığındadır. Ona və əlbir olduğu Akopyana qarşı “Mütəşəkkil dəstə tərəfindən insan alveri” maddəsi ilə cinayət işi açılıb.

Akopyan saxlanılıb və tezliklə barəsində həbs-qətimkan tədbiri seçiləcək. Yurinin ikinci köməkçisi İvan artıq həbsdədir.

AzVision.az