AzVision.az xəbər verir ki, JCPOA-nın bərpasının mümkünlüyünü açıqlayan Parlamentin Milli Təhlükəsizlik komitəsinin üzvü Şəhriyar Heydəri “İran Watch” nəşrinə müsahibəsində bu məsələ ilə bağlı görüşlər mexanizminin hazırlandığını bildirib.

“Son vaxtlar, xüsusən də son bir neçə ayda, Qərb ölkələrindən və ABŞ-dan mesajlar gəlir. Fikrimcə, JCPOA-nın görüş mexanizmi müəyyən qədər hazırlanır və gələcəkdə Yaponiyanın hazır olduğunu bəyan etməsi ilə əlaqədar üçüncü ölkədə danışıqların bərpası mümkündür. JCPOA tamamlanıb və ya tamamlanmayıb, bu məsələ dialoq və görüş çərçivəsində həll olunmalıdır. İndi JCPOA həm Avropada, həm də ABŞ-da gündəmdədir. ABŞ-nin bu məsələdə siyasəti və yanaşması fərqlidir”, - Heydəri deyib.

Parlament üzvü JCPOA üzrə danışıqların bərpasının Yaponiyanın ev sahibliyi çərçivəsində mümkünlüyü barədə ətraflı məlumat verməyib.

Bununla belə, İranın Xarici İşlər naziri Abdullahiyan avqust ayında Tokioya səfəri və baş nazir Fumio Kişida, daha sonra isə yaponiyalı həmkarı Yoşimasa Hayaşi ilə görüşü zamanı bu təklifi aldığını bildirib.

İranı və ABŞ-ni bu saziş çərçivəsində öz öhdəliklərinə qaytarmaq üçün JCPOA-nı canlandırmaq üzrə danışıqlar hələ heç bir nəticə vermir. Danışıqların uğursuzluğundan sonra Birləşmiş Ştatlar dolayısı ilə İranı JCPOA-dan kənar tələblərdə ittiham edib.
AzVision.az