Abdullahiyan Səudiyyəli həmkarı ilə ləğv olunmuş oyunu müzakirə edib

Abdullahiyan Səudiyyəli həmkarı ilə ləğv olunmuş oyunu müzakirə edib
  04 Oktyabr 2023    Oxunub:701
Səudiyyə Ərəbistanının "Əl-İttihad" futbol komandası ilə İranın “Sepahan” klubu arasında keçiriləcək oyunun ləğvindən iki gün sonra İranın Xarici İşlər naziri Hüseyn Əmir Abdullahiyan bununla bağlı Səudiyyəli həmkarı ilə əlaqə saxladığını açıqlayıb.
AzVision.az xəbər verir ki, Abdullahiyan çərşənbə günü jurnalistlərə müsahibəsində Tehran və Ər-Riyad arasında münasibətlər “doğru yolda” olduğunu və hər iki tərəfin idmanın “siyasi rıçaq” alətinə çevrilməsinə imkan verməməsi zərurətini vurğulayıb.

Qeyd edək ki, bazar ertəsi İsfahandakı “Nəqş Cahan” stadionunda SEPAH-ın öldürülən komandiri Qasım Süleymaninin heykəlinin qoyulması ilə bağlı mübahisə Səudiyyə Ərəbistanınım “Əl-İttihad” komandasının etirazına və meydanı tərk etməsinə səbəb olub.

Abdullahiyanın bəyanatının əksinə olaraq, indiyədək idmandan siyasi alət kimi istifadə üçün İran dövlət rəsmilərinin təzyiqindən şikayətlənən bir sıra iranlı idmançılar son illərdə xarici ölkələrə sığınıblar.
AzVision.az


Teqlər: İran   Səudiyyə  





Xəbər lenti