Politico: Qranada sammiti Türkiyə və Azərbaycan olmadan uğursuzluqla nəticələnib

Politico: Qranada sammiti Türkiyə və Azərbaycan olmadan uğursuzluqla nəticələnib
  06 Oktyabr 2023    Oxunub:1309
Qranadada keçirilən Avropa Birliyinin sammiti barədə yüksək gözləntilər olsa da, heç bir nəticə əldə olunmadı.
Bu barədə “Politico” qəzeti yazır. Məqlədə deyilir: “50-yə yaxın Avropa liderinin, onlarla köməkçinin və jurnalist legionunun iştirak etdiyi sammit. Toplaşanlar Avropanın astanasında olan münaqişələrin və ya hər hansı digər regional problemlərin həllində əhəmiyyətli irəliləyiş əldə edə bilmədiyi üçün uğursuz başa çatdı.

İspaniyanın bu şəhərində 700-ə yaxın jurnalist əbəs yerə toplaşaraq, Qarabağ, Balkanlardakı parçalanmalar və Avropa təhlükəsizlik sistemindəki çatışmazlıqlar kimi aktual problemlərin həlli üçün razılaşmalar gözləyirdi.



Görüşdə əsas oyunçuların, xüsusən də Türkiyə və Azərbaycanın iştirak etməməsi səbəbindən bu məsələlərdə irəliləyiş əldə etmək mümkün olmayıb.

Tədbirin təşkilatçıları yekun mətbuat konfransının niyə ləğv edildiyini dəqiq açıqlamayıblar. Bu, mini BMT-dir, liderlərin sövdələşə biləcəyi bazardır. Hətta ən böyük Qərb dövlətlərinin - Almaniya, İtaliya, Böyük Britaniya və Fransanın başçılarının da jurnalistlərə deyəcək sözü yox idi.



Sadəcə Fransa prezidenti Emmanuel Makronun bildirdiyi bir neçə uğurlu kibercinayətkarlıqla mübarizə üzrə razılaşmalar və Qarabağ məsələsi ilə bağlı danışıqlar olub. Lakin bu, çox da nəticə verməyib”.

İlkin Nəcəfzadə
AzVision.az



Teqlər:





Xəbər lenti


Azvision.az ©2014 | Bütün hüquqları qorunur