Fələstin-İsrail münaqişəsinin kəskinləşdiyi bir vaxtda Londonda yəhudi restoranı vandalların hücumuna məruz qalıb.
Bu barədə “Independent” qəzeti məlumat yayıb. Qeyd olunub ki, Londonun şimal-qərbində yerləşən, kaşrut yeməklərin verildiyi restoran vandalların hədəfinə çevrilib. Belə ki, cinayətkarlar şüşə qapını sındıraraq kassadan pul oğurlayıblar.
London polisi bildirib ki, İsrail və Fələstin arasında gərginləşən qarşıdurma fonunda asayişi qorumaq üçün şəhərin bəzi yerlərində patrulları artırıblar.