"Tələbələrin çoxu distant təhsildə kameranı söndürüb, öz işini görür"

 "Tələbələrin çoxu distant təhsildə kameranı söndürüb, öz işini görür"
  28 Noyabr 2023    Oxunub:735
Azərbaycanda distant təhsil növünün tətbiq edilməməsi ilə bağlı problemlərdən biri də məhz sahədə meyar və standartların mövcud olmamasıdır.
AzVision.az xəbər verir ki, bunu Elm və Ali Təhsil üzrə Dövlət Agentliyinin direktoru Ülkər Səttarova deyib. Onun sözlərinə görə, bu məsələni texniki olaraq həll etsək də, müəyyən sahədə istəyə nail ola bilmərik:

"Bildiyim qədəri ilə pandemiya şəraitində icra olunan distant təhsilin analizi aparılıb. Amma nəticə canlı formada məktəbdəki tədrisin effekti qədər olmayıb. Bu da təbiidir və nəticə bütün dünyada belədir. Etiraf edək ki, tələbələrin bir çoxu distant növlü tədris prosesinə sadəcə formal olaraq qoşulur və kameranı söndürüb, öz işini görür.

Nəticədə formal təhsil olur. Belə olan halda həmin tələbənin bilik və bacarığa nə qədər sahiblənməsi sual altında qalır. Onu da bilməliyik ki, distant təhsil növünü heç də bütün sahələrə, ixtisasa tətbiq etmək mümkün deyil. Misal olaraq, tibb və mühəndis ixtisası üzrə təhsil alanlar praktikanı laborator şəraitdə aparıb, bacarıqlara yiyələnməlidir. Belə olan halda bunu necə distant etmək olar?!".

Aytən Zəhra
AzVision.az


Teqlər:





Xəbər lenti