Amerikanın Müharibə Araşdırmaları İnstitutu (ISW) dünya mediasının gündəminə çevrilmiş hadisə ilə bağlı maraqlı detallar yayıb. ISW-nin yeni hesabatında ilk olaraq hadisənin Yablonovo kəndində baş verməsi qeyd edilir.

Dəhşətli təyyarə qəzasında 65 ukraynalı əsir öldü - VİDEO

Ekspertlər müxtəlif rus mənbələrinin yaydığı geolokasiya görüntülərinə istinad ediblər. “Aşkar görünür ki, İl-76-nın vilayətin Yablonovo adlanan ərazisində (Belqoroddan təxminən 50 km şimal-şərqdə) qəzaya uğrayıb”, - İnstitut qeyd edib.

Analitiklərin fikrincə, ruslar təyyarə qəzasından informasiya məkanında Kiyevin əleyhinə istifadə etməyə çalışırlar. Bütün dezinformasiyalar Ukraynada daxilində narazılıq toxumu səpmək və Qərbin hərbi dəstəyi davam etmək istəyini sarsıtmağa hesablanıb.

Təqdim olunan uçuş xəritəsinə görə, Yablonovo kəndindən Belqoroda qədər olan məsafə 70 km-dən çoxdur.

Qeyd edək ki, Rusiya rəsmiləri təyyarənin Ukrayna ordusunun Qərbdən aldığı raketlərlə vurmasına dair açıqlamalar verirlər.

Tural Tağıyev
AzVision.az