Türkiyə Silahlı Qüvvələrinin PKK terror təşkilatına qarşı həyata keçirdiyi əməliyyatlarda Xalqların Demokratik Partiyasının (HDP) lideri Səlahəddin Dəmirdaşın qardaşı Nurəddin Dəmirdaş yaralanıb. Bu barədə AzVision.az Türkiyə KİV-lərinə istinadən xəbər verir.
Məlumata görə, “Şəhid Həmzə Yıldırım" adı verilən əməliyyatda 28 ədəd F-16 döyüş təyyarəsi havaya qalxıb. Həyata keçirilən əməliyyatlar ötən gün günorta saatlarından başlayaraq gecə yarısına qədər davam edib. Nəticədə PKK-nın 65-ə qədər sığınağı məhv edilib.
Qeyd edək ki, son günlər Türkiyə Silahlı Qüvvələrinin PKK terror təşkilatına qarşı həyata keçirdiyi əməliyyatlarda 260-dan çox terrorist məhv edilib, 400-dən çoxu isə yaralanıb.
Xatırladaq ki, Türkiyə prezidenti Rəcəb Tayyib Ərdoğan bir neçə gün əvvəl verdiyi açıqlamasında S. Dəmirtaşın qardaşının İraqın şimalındakı PKK düşərgələrində olduğunu bildirmişdi.
Elvin Abdulqədirov
HDP liderinin qardaşı vuruldu - Video
01 Avqust 2015
Oxunub:3708
Vaxtında, Aydın, Lazımlı!
-1782124847.jpg&h=190&w=280&zc=1&q=100)
