- Son günlər Rusiyadan Azərbaycana edilən informasiya müharibəsində əsas məqsəd Azərbaycana hədə-qorxu gəlmək, onu tutduğu düzgün yoldan çəkindirməkdən ibarətdir. Amma bu cür mənasız, heç bir şeyə əsaslanmayan bəyanatlarla nəyəsə nail olmaq mümkün deyil. Ona görə də Azərbaycan öz tutduğu mövqeni və siyasətini davam etdirəcək. Bu gün “Rusiya bizə şimaldan, yerdən, göydən hücum edəcək” kimi fikirlərin hamısı boş-boş şeylərdir. Rusiya bu dəqiqə dəhşətli təhlükə qarşısındadır. Ona görə ki, bütün dünya birləşib Rusiyanı çökdürmək istəyir. Mən əminəm ki, Azərbaycanda yayılan bu xəbərlərin hamısı Rusiyanın xüsusi xidmət orqanlarının informasiya manipulyasiyasıdır. Bunlara fikir verməyə dəyməz.
Politoloq Azərbaycanın daxilində fəaliyyət göstərən beşinci kolona artıq əmrin gəldiyini söyləyib: “Artıq bütün ictimaiyyətə məlum oldu ki, Azərbaycanda güclü beşinci kolon var. Bu beşinci kolon Rusiya tərəfindən idarə olunur. Beşinci kolon öz vətəndaşlarımızdan təşkil olunub. Hamısı azərbaycanlılardır. Əmr gələnə qədər onlar öz işləri ilə məşğuldurlar. Bunların kimi həkimdir, kimi mətbuat işçisidir. Hər biri öz işi ilə məşğuldurlar. Əmr gələndə hamısı baş qaldıracaq. İndi əmr gəlib ki, Rusiyanın Krıma müdaxiləsini dəstəkləyin, şayiə yayın ki, Azərbaycana Rusiya zərbə vura bilər. Bunun hamısı göz qabağındadır. Mən tam əminəm ki, Azərbaycanda artıq güclü Milli Təhlükəsizlik Nazirliyi var. Bunların fəaliyyəti nəzarət altındadır. Lazım olanda bunlar üçün tədbir görüləcək.
Axar.az
Vəfa Quluzadə: `Bu xəbərləri Azərbaycanda Rus kəşfiyyatı yayır`
14 Aprel 2014
Oxunub:2810
“Rusiyanın Azərbaycanda güclü beşinci kolonu olduğu artıq sübut olunub”. Bu sözləri politoloq Vəfa Quluzadə deyib. O, hazırda Azərbaycana hücumla bağlı yayılan bütün məlumatların Rusiyanın xüsusi xidmət orqanları tərəfindən hazırlandığını bildirib:
Teqlər:
Vaxtında, Aydın, Lazımlı!
