Gürcüstanın eks-prezidenti Mixail Saakaşvili Azərbaycana səfəri çərçivəsində Bakının Əhmədli qəsəbəsində olub.
AzVision.az-ın əldə etdiyi məlumatına görə, sabiq prezidentin Əhmədliyə getməsinin səbəbi Bakı Kinoteatrı yaxınlığında yerləşən “Diaqnoz Tibb Mərkəzinə” baş çəkməsidir.
Belə ki, M.Saakaşvili klinikada işləyən LOR ( burun-boğaz həkimi-red) Cərrah Qəmbər Hacıyevlə görüşüb və onun müayinəsindən keçib.
Əldə etdiyimiz digər məlumata görə, Q.Hacıyev 1988-2009-cu illərdə Tiblisi 7 saylı şəhər klinik xəstəxanasında işləyərkən Mixail Saakaşvili onun xəstəsi olub. Bakıya səfəri zamanı sabiq prezident keçmiç həkiminə baş çəkərək müayinədən keçib.
Qeyd edək ki, M. Saakaşvili aprelin 27-də Bakıda keçirilən II Qlobal Müştərək Cəmiyyətlər Forumunda iştirak etmək üçün Azərbaycana gəlmişdi. Bu, Saakaşvilinin prezidentlik müddəti başa çatdıqdan sonra Azərbaycana ilk səfəri idi.
Sevinc İltifatqızı
Saakaşvili Bakıda həkim müayinəsindən keçib - ÖZƏL
03 May 2014
Oxunub:1576
Vaxtında, Aydın, Lazımlı!
-1782124847.jpg&h=190&w=280&zc=1&q=100)
