Tərtərdə maşın dərəyə aşıb, yaralanan var

  18 Mart 2017    Oxunub : 1045
Tərtərdə maşın dərəyə aşıb, yaralanan var

Tərtərdə baş verən yol qəzası nəticəsində sürücüsü xəsarət alıb.

AzVision.az APA-ya istinadən xəbər verir ki, rayonun “Dörd yol” adlanan ərazisində Cəfərov Zalış Qaçay oğlu idarə etdiyi “VAZ-21011” markalı avtomobil yoldan çıxaraq dərəyə yuvarlanıb. Qəzanın şahidləri hadisə barədə FHN-nin növbətçi hissəsinə və təcili tibbi yardıma məlumat veriblər. Xilasedicilər və həkimlər hadisə yerinə gələnədək, yaralı sürücü avtomobildən çıxarılaraq xəstəxanaya aparılıb.

Məlumata görə, xəsarət alan sürücünün qardaşı onu paytaxt xəstəxanalarından birinə aparıb.

Faktla bağlı Tərtər Rayon Polis Şöbəsində araşdırma aparılır.

Teqlər: Tərtər   Qəza