“İmtahandan çıxdıqdan sonra 700 bal toplayacağımı gözləmirdim. Sualların cavablarını yoxlamışdım və hamısı düz idi. Lakin kodlaşdırmada səhv edəcəyimi düşünürdüm, çünki axır dəqiqələrdə kodlaşdırmanı etdim. Hədəfim prezident təqaüdü almaq idi, amma nəticəm 700 gəldi və ikiqat sevinc hisləri yaşadım”.
Oxuyacağı universiteti və ixtisası hələ dəqiqləşdirməyən Səbinə bunun üçün yetərincə zamanı olduğunu vurğulayıb.
“4 ay vaxtım var. Böyük ehtimalla hüquqşunaslıq və filologiya üzrə ixtisas seçəcəyəm. Xaricdə oxumaq fikrim yoxdur, çünki Azərbaycanda yetərincə prestijli ali təhsil müəssisələri var. Məktəbdə oxuyan zaman əlaçı olmuşam. Hətta bu il Tarix fənni üzrə keçirilən fənn olimpiyadasında 3-cü yeri qazanmışam. Liseyimiz tərəfindən sənədlərim Təhsil Nazirliyinin qızıl medalını almaq üçün təqdim edilib”.
![](https://azvision.az/photos/700bal-qiz-foto-(1)_1493879818.jpg)
![](https://azvision.az/photos/700bal-qiz-foto-(4)_5975519272.jpg)
Aytən Zəhra
AzVision.az