Ekologiya və Təbii Sərvətlər Nazirliyindən AzVision.az-a verilən məlumata görə, nazirliyin “Qaynar Xətt”inə Xaçmaz rayon sakini Telman Quliyev tərəfindən Əhmədoba kənd ərazisində ağacların kəsilməsi ilə bağlı şikayət daxil olub. Şikayət Nazirliyin yerli qurumlarının əməkdaşları tərəfindən yerində araşdırılıb.
Sözügedən əraziyə keçirilən baxış zamanı 28-32 sm diametrliyində yaşköküstə 2 ədəd qovaq ağacının qanunsuz olaraq kəsildiyi aşkar edilib.
Araşdırma zamanı, ağacların Xaçmaz rayonu Xaspoladoba kənd sakini Elman Həmzəliyev tərəfindən kəsildiyi məlum olub. Faktla bağlı E.Həmzəliyev barəsində protokol tərtib edilib və o inzibati qaydada 1550 manat məbləğində cərimə olunub.
AzVision.az
Daha bir qanunsuz ağac kəsimi
10 Avqust 2017
Oxunub:1478
Xaçmaz sakini ağac kəsməyə görə cərimə olunub.
Vaxtında, Aydın, Lazımlı!
