Polis itən 3 yaşlı uşağı ailəsinə qaytardı

Polis itən 3 yaşlı uşağı ailəsinə qaytardı
  14 Avqust 2018    Oxunub:1736
İyulun 30-da Şirvan şəhəri ərazisində 3 yaşlı oğlanın tək dolaşması Şirvan ŞPŞ-nin Post Patrul Xidmətinin ərazidə xidmət aparan əməkdaşlarının diqqətini cəlb edib.
DİN Mətbuat Xidmətinin Şirvan regional qrupundan AzVision.az-a verilən məlumata görə, polis əməkdaşları uşağa yaxınlaşaraq onun azdığını müəyyən ediblər. Daha sonra azyaşlı Şirvan ŞPŞ-yə gətirilərək onun ailəsinin axtarışına başlanılıb.

Qısa müddət ərzində uşağın valideynləri tapılaraq onlara təhvil verilib. Valideynlər övladlarının sağlam halda, heç bir zərər görmədən onlara təhvil verilməsinə və göstərdikləri əvəzolunmaz köməyə görə DİN və Şirvan ŞPŞ rəhbərliyinə və şəxsi heyətinə dərin minnətdarlıqlarını bildiriblər.

AzVision.az


Teqlər: DİN  





Xəbər lenti