Sumqayıt sakini Xaçmazda oğurluq edib

  18 Avqust 2018    Oxunub : 378
Sumqayıt sakini Xaçmazda oğurluq edib
Xaçmaz rayonunda köşkdən oğurluq edən şəxs saxlanılıb.
AzVision.az-ın DİN-ə istinadən verdiyi xəbərə görə, avqustun 13-də Xaçmazın Qımıl-qışlaq kənd sakini Zaur Mustafayev polisə müraciət edərək bildirib ki, üç gün əvvəl naməlum şəxs və ya şəxslər tərəfindən avtovağzal ərazisində icarə əsasında işlətdiyi köşkdən 2500 manat və 1700 rubl pulu oğurlanıb. Oğurluğu törətməkdə şübhəli bilinən Sumqayıt şəhər sakini Şirin Həsənli saxlanılıb.

Dindirilmə zamanı saxlanılan şəxs törətdiyi cinayət əməlini etiraf edib. Oğurladığı pullardan 1400 manat və 1700 rubl maddi sübut kimi ondan götürülərək zərərçəkmişə qaytarılıb. Faktla bağlı Xaçmaz RPŞ-nin İstintaq bölməsində araşdırma aparılır.

AzVision.az

Teqlər: DİN   Oğurluq