Taksi sürücüsünü hədələyib, maşınını aldılar

  01 Sentyabr 2018    Oxunub : 2390
Taksi sürücüsünü hədələyib, maşınını aldılar
Avqusutun 31-də Xəzər rayonunun Buzovna qəsəbəsi ərazisində şəxsiyyəti məlum olmayan 2 nəfər Bakı şəhər sakini Ə.Rəcəbovun idarə etdiyi “Mercedes” markalı avtomobilə sərnişin qismində oturub Qala qəsəbəsinə gedəcəklərini bildiriblər.
DİN-dən AzVision.az-a verilən xəbərə görə, Qala qəsəbəsinin ərazisində onlar sürücünü bıçaqla hədələyib 35 manat pulunu, mobil telefonunu və avtomobilin açarlarını alıb hadisə yerini tərk ediblər.

Xəzər RPİ 1-ci PŞ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakinləri Ümid Kərimov və Elçin Teymurov Qala qəsəbəsi ərazisində saxlanılıblar. Onlardan içərisində 2 ədəd bıçaq, yapışqanlı lent və idman paltarı olan çanta götürülüb.

AzVision.az

Teqlər: DİN   Taksi