Hər gün 13 uşaq vərəmdən ölür

  06 Noyabr 2018    Oxunub : 1981
 Hər gün 13 uşaq vərəmdən ölür
"2016-ci ilin rəqəmlərinə əsasən Avropa regionunda 290 min insan vərəmlə xəstələnib. Onlardan 32 min nəfəri uşaq, 87 min nəfəri qadındır. Hər 20 dəqiqədən bir regionda vərəmdən bir nəfər ölür. 13 uşaq isə hər gün vərəmdən dünyasını dəyişir"
Azvision.az xəbər verir ki, bunu Ümumdünya Səhiyyə Təşkilatının (ÜST) Avropa regionu üzrə nümayəndəsi Sayohat Həsənova "Vərəmin diaqnostik, müalicə və profilaktikasına müasir yanaşmalar" elmi-praktik konfransında çıxışı zamanı deyib.

Onun sözlərinə görə, Avropa regionunda vərəmlə xəstələnmə göstəriciləri 100 min əhaliyə 32 nəfərdir: "Hər il vərəm və QİÇS-lə xəstələnmə 12-13 faiz artır. Buna uyğun olaraq ölüm halları da 12 faiz artır. Ötən illərlə müqayisədə regionda HİV infeksiyasının artımı müşahidə edilir. 100 faiz vərəmli xəstənin 80 faizi HİV müayinəsindən keçir və onlardan 70 faizində ikili virus aşkarlanır. Həmin şəxslərin 65 faizi antiretravirus terapiyası alır. Bu da uğurlu olur. Nəticədə 62 faiz koinfeksiyalı xəstələrin müalicəsindən danış bilərik".

Aytən Zəhra
Azvision.az

Teqlər: Vərəm