Həmyerlisini döyüb zorla telefonunu aldı

Həmyerlisini döyüb zorla telefonunu aldı
  11 Dekabr 2018    Oxunub:3988
Quba Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində həmkəndlisinə qarşı soyğunçuluq edərək onun 540 manat dəyərində olan mobil telefonunu açıq talama yolu əldə edən şəxs saxlanılıb.
DİN Mətbuat Xidmətinin Quba rayonunda regional qrupundan Azvision.az-a verilən məlumata görə, dekabrın 6-da axşam saatlarında Quba rayonu Qaraçay kənd sakini İftixar Məmmədov Rayon Polis Şöbəsinə müraciət edərək, həmkəndlisi Səhrab Baratovun ona məxsus “Samsung” markalı mobil telefonu məcbur aldığını, geri istədiyi zaman isə onu təhqir edərək yumruq zərbələri ilə xəsarət yetirdiyini bildirib.

Keçirilmiş tədbirlər nəticəsində Səhrab Baratov saxlanılaraq RPŞ-yə gətirilib. Dindirilmə zamanı həmin şəxs törətdiyi cinayət əməlini etiraf edib.

Səhrab Baratov barəsində Quba RPŞ-nin İstintaq Bölməsində Azərbaycan Respublikasının Cinayət Məcəlləsinin 180.2.4-cü (soyğunçuluq, həyat və sağlamlıq üçün təhlükəli olmayan zor tətbiq etməklə özgə əmlakını açıq talama) maddəsi ilə cinayət işi açılıb, araşdırmalar aparılır.

Azvision.az



Teqlər: DİN   Soyğunçuluq  





Xəbər lenti