İlkin araşdırma nəticəsində qətl hadisəsinin Ə.Axundovanın həyat yoldaşı tərəfindən törədildiyi məlum olub.

Kənd sakini Elman Axundov Azvision.az -a açıqlamasında cinayətdə əmisini günahkar bildirib. Onun sözlərinə görə, əmisi naməlum səbəbdən həyat yoldaşını amansızlıqla öldürüb.

Gəraybəyli kənd bələdiyyəsindən isə bildirilib ki, qatil ər hələ də tapılmayıb. Qadının əri hadisədən sonra stolun üstünə məktub qoyub, sonra oradan uzaqlaşıb. Neçə gündür ki, onu axtarırlar, yerini heç kim bilmir.

Məktubda yazılıb: “Mən bunu 30-40 il əvvəl etməli idim, ancaq uşaqlarım körpə olduğundan etmədim. İndi isə uşaqları bir yanlıq etmişəm, buna məcburam, etməliyəm”

Hadisənin ailə münaqişəsi zəminində, yoxsa başqa səbəbdən baş verdiyi müəmmalı olaraq qalır.

"Qətl ötən həftənin 5-ci günü olub. Qadın özü Bakıda, əri isə kənddə yaşayırdı. Hər ikisi təqaüdçüdür, işləmirdilər. Qadın ildə bir-iki dəfə kəndə gəlib, ərinə baş çəkirdi. 10 gün olardı ki, rayona gəlmişdi. Söz-söhbətli, münaqişəli ailə deyildi. Niyə belə bir şey baş verib, heç kəs bilmir”, - kənd bələdiyyəsindən deyiblər.

Şahanə Rəhimli
Azvision.az