“Vergi sistemində köklü islahatlar aparılır” - Nazir

  18 Fevral 2019    Oxunub : 970
 “Vergi sistemində köklü islahatlar aparılır” - Nazir
"2016-cı ildən tətbiq olunan investisiya təşviqi mexanizmi qeyri-neft sektorunda özəl investisiyaların artımına ciddi töhfə verir. İndiyədək investisiya təşviqi sənədi verilmiş 345 layihəyə 3 milyard manata yaxın investisiya qoyuluşu və 22 mindən çox yeni iş yerinin açılması nəzərdə tutulur"
Azvision.az xəbər verir ki, bunu iqtisadiyyat naziri Şahin Mustafayev "Vergilər.Şəffaflıq. İnkişaf" mövzusunda keçirilən forumda çıxışı zamanı deyib.

Onun sözlərinə görə, həyata keçirilmiş məqsədyönlü və ardıcıl tədbirlər nəticəsində 2018-ci ildə özəl bölmənin ÜDM-də payı 84%-ə çatıb, məşğulluqdakı payı isə 76% təşkil edib.

Nazir qeyd edib ki, son illərdə iqtisadiyyatın bütün sahələri ilə yanaşı, vergi sistemində də köklü islahatlar həyata keçirilir: "Son 1 ildə vergi inzibati sahəsində ciddi islahatlar aparılıb, vergi qanunvericiliyi təkmilləşdirilməklə vergitutma optimallaşdırılıb, institusional dəyişiklər aparılıb, kadr potensialı gücləndirilib".

Aytən Zəhra
Azvision.az

Teqlər: Nazir   Şahin-Mustafayev