İran və Azərbaycan torpaqlarından birgə istifadə ediləcək

  15 Mart 2019    Oxunub : 964
İran və Azərbaycan torpaqlarından birgə istifadə ediləcək
Azərbaycan-İran Hökumətlərarası Komissiyasının XIII iclasında kənd təsərrüfatı sahəsində torpaqların müştərək istifadə olunması barədə razılıq əldə olunub.
Azvision.az xəbər verir ki, bunu Bakıda jurnalistlərə açıqlamasında İranın iqtisadi işlər və maliyyə məsələləri üzrə naziri Fərhad Dejpəsənd deyib.

Nazir bildirib ki, ikitərəfli ticari, iqtisadi əlaqələrin genişləndirilməsində əsas məqamlardan biri müştərək şirkətlərin qurulmasıdır: "Bununla bağlı müəyyən razılıqlar əldə etmişik. Hazırda müştərək layihələrimiz icra olunmaqdadır. Bu layihələrin bəziləri maneələrlə üzləşib. Bunun aradan qaldırılması üçün lazımi qərarlar verilib. Həmin layihələrin icrası davam etdiriləcək. Eləcə də dəmiryolu xəttinin çəkilməsi, enerji sahəsində Xudafərin, Qız Qalası hidroqovşaqların təkmilləşdirilməsi məsələsi müzakirə olunub. Bunun üçün müəyyən qərarlar qəbul edilib".

Aytən Zəhra
Azvision.az

Teqlər: İran   Nazir